Ermənistan hakimiyyəti 30 ildən sonra Azərbaycandan olan qaçqın ailələrinə mənzil əldə etmək üçün sertifikatlar təqdim etmək qərarı qəbul edib. Qərara əsasən, ilk mərhələdə sertifikatlarla 1988-1992-ci illərdə Azərbaycandan Ermənistana köçmüş və müvəqqəti olaraq mehmanxana, yataqxana və internat-məktəb ərazilərində məskunlaşan qaçqın ailələrinə veriləcək.

İlkin mərhələdə sertifikatların yaşayış şəraitlərinin yaxşılaşdırılmasına daha çox ehtiyacı olan ailələrə veriləcəyi bildirilir. Bu kateqoriyaya hazırda 895 ailə aid edilib. Onların 641-i Yerevanda, 254-ü isə rayonlarda yaşayır.

Aşağıda baxacağınız video reportajı BBC-nin müxbiri Aleksey Manvelyan (1989-cu ilə kimi Gəncədə yaşayıb) hazırlayıb. O hazırda Yerevanda yataqxanada qalan Gəncədən olan erməni qadın Laura Ananyan ilə görüşüb. Laura Ananyan vaxtilə Gəncədə Mərkəzi Poçt Şöbəsində işləyib.

GancaPost saytı video reportajı təqdim edir: