-- Adversting 9 --
-- Adversting 10 --
-- Adversting 1 --

Vətəndaş Hüquqları İnstitutu yeni proqramın icrasına başlayıb

Vətəndaş Hüquqları İnstitutu yeni proqramın icrasına başlayıb

00:02:48 | 2020-07-20

GancaPost.info xəbər verir ki, proqramın əsas məqsədi vətəndaşların elektron hökumət sisteminə inteqrasiya etməklə şəffaflığı və hesabatlılığı artırmaqdır. Layihənin icrası zamanı, əsasən də regionlarda daha çox vətəndaşın e-hökumət sisteminə inteqrasiyasını sürətləndirmək yolu ilə onların hazırki problemlərinin həllinə yardım edilir. Sosial vəziyyəti ağır olan şəxslərin hüquqi prosedurlara əlçatımlılığı təmin edilir.

Vətəndaş Hüquqları İnstitutunun (VHİ) orqanı olan "Benefisiar" veb-portalı vasitəsi ilə vətəndaşlar arasında sosial media üzərindən maarifləndirmə və məlumatlandırma aparılır, videoroliklər hazırlanaraq proses vətəndaşlar üçün daha da asanlaşdırılır.

Pandemiya dövründə işsizlikdən sosial vəziyyəti ağırlaşmış vətəndaşların “Ünvanlı Sosial Yardım” almağına hüquqi və texniki yardım edilir. Elektron müraciət forması yeni olduğu üçün vətəndaşlar məlumatsızdır, həm də müraciət formasını doldurmaq çətindir.

Nəzərdə tutulub ki, gələcəkdə regionlarda vorkşoplar keçirilərək yerli icmalara Elektron Hökumət Sisteminə müraciət mexanizmləri öyrədilərək və bununla da daha çox insanın bəhrələnməsinə kömək ediləcək. O cümlədən Ünvanlı Sosial Yardım üçün müraciətin doldurulması üçün yerli icmaların bacarıqları artırılacaq.


ETİKET :  

Daha Çox