GancaPost saytı xəbər verir ki, Milli Məclisin bu gün keçirilən iclasında parlamentin İqtisadi siyasət, sənaye və sahibkarlıq komitəsinin sədr müavini Əli Məsimli çıxışında təklif edib ki, uşaqpulu bərpa edilsin.

"Əgər biz uşaqpulunu bərpa edə bilsək, yardıma ehtiyacı olan insanların çoxunun problemini həll etmiş olarıq"- deyə, əlavə edib.

Deputat bundan əlavə, Azərbaycanda əlillərə verilən müavinətlərin artırılmasını vacib sayıb.

Qeyd edək ki, 2006-cı ilə qədər Azərbaycanda uşaqlara aylıq müavinətlər verilib. 2006-cı ildə bu, ünvanlı sosial yardımların verilməsi ilə dayandırılıb.