"Hələ də əsirlikdə verilən işgəncələrin yerləri ağrıyır, gecələr ağrıdan zarıyıram. Otura, qaça bilmirəm, səhhətimdə ciddi problemlər var. Bütün bunlara baxmayaraq, indiyə kimi mənə əlillik təyin olunmayıb".

Bunu Vətən müharibəsi zamanı düşmənə əsir düşən və bir aya yaxın Ermənistanda əsirlikdə qaldıqdan sonra Vətənə qaytarılan Gəncə şəhər sakini Bayram Kərimov deyib.

Onun sözlərinə görə, səhhətindəki problemlər səbəbindən əlillik təyinatı üçün yaşadığı Gəncə şəhərində tibb müəssisəsinə müraciət edib. Oradan bildirilib ki, Bakıdakı hərbi hospitaldan şəhadətnamə gətirməlidir ki, Əlillik Alt Sisteminə forma 88 daxil edilsin. Şikayətçi iddia edir ki, vəziyyəti ilə bağlı Müdafiə Nazirliyinin Mərkəzi Hərbi Klinik Hospitalında ədalətli araşdırılma aparılmayıb və onu xidmətə yararlı kimi göstəriblər:

Şikayətlə bağlı "Qafqazinfo" saytı Müdafiə Nazirliyi ilə əlaqə saxlayıb. Nazirlikdən bildirildi ki, Bayram Kərimovun sənədlərinə yenidən baxılacaq və bu barədə məlumat veriləcək.

Qeyd edək ki, 29 yaşlı Bayram Kərimov könüllü olaraq Vətən müharibəsinə qoşulub və noyabrın 11-də əsir götürülüb. Əsir və itkin düşmüş, girov götürülmüş vətəndaşlarla əlaqədar Dövlət Komissiyası tərəfindən həyata keçirilmiş tədbirlər nəticəsində dekabrın 14-də Azərbaycana qaytarılıb.