Gəncənin əksər yerlərində ağaclar susuzluqdan yanır. Şəhərin Zərrabi küçəsi, Mirzə Abbas Abbaszadə küçəsi, Məmməd Bürcəliyev, Əttarlar küçələrində ağaclar susuzluqdan quruya bilər. Hətta, Gəncə çayının sahilində yerləşən Abbas Səhhət parkında çoxillik ağaclar da quruma təhlükəsi ilə üzləşib. Ərtafda yaşayan sakinlər əlacsız qalaraq özləri parkdakı ağacları suvarırlar.

Şəhərin Bayraq Meydanı adlanan küçəsində də ağaclar suvarılmağından quruyur. Bu barədə sosial şəbəkələrdə video məlumat da yayılıb.

Eyni vəziyyət şəhərin Gülüstan qəsəbəsində yerləşən İstiqlal parkında, Qələbə Parkında və Dəmiryolçular parkında da mövcuddur. Parklar baxımsız vəziyyətdədir. Qeyd etdiyimiz parklardakı ağaclara qulluq göstərilmir. Bu parklarda hər gün 100-lərlə şəhər sakini istirahət edir.

Sakinlər bildirir ki, buradakı yaşıllıqlar hərdən aidiyyatı qurumların əməkdaşları tərəfindən maşınlarla sulansa da bu kifayət etmir.

Yaşıllıq sağlamlıq deməkdir. Gəlin sağlamlığımızı qoruyaq. Sağlamlığımızı qorumaqla özümüzü qorumuş oluruq.

Hörmətli şəhərin aidiyyatı qurumları şərt ağacı əkmək deyil, əsas ona qulluq etmək, onu böyütməkdir.

GancaPost.info