Qutseriyevlər artıq beşinci ildir ki, ən zəngin Rusiya ailələrinin reytinqində birincidir.

GancaPost bildirir ki, bu barədə "Forbes" jurnalı məlumat yayıb.

Üstəlik, "Safmar" qrupunun təsisçisi Mixail Qutseriyev və onun ailəsinin sərvəti bir ilə 320 milyon dollar azalıb. Ancaq onlar yenə də 5,65 milyard dollar sərvətlə birinci yerdə qərarlaşıblar.

"Forbes" siyahısında ikinci yer 5,18 milyard dollarlıq var-dövləti olan Rotenberqler ailəsinə məxsusdur.

Üçüncü yerdə Şaymiyevlər ailəsidir. Tatarıstanın birinci prezidenti Mintimer Şaymiyevin oğulları Radik və Ayrat öz kapitallarını bir il ərzində 320 milyon dollar artıraraq, 2,8 milyarda çatdırıblar.

Siyahının 10-luğunda yer alan digər ailələr:

Qapontsevlər - 2 milyard dollar

Yevtuşenkovlar - 1,94 milyard dollar

Rəhimqulovlar - 1,89 milyard dollar

Linniklər - 1,6 milyard dollar

Sarkisovlar - 1,6 milyard dollar

Bajayevlər - 1,51 milyard dollar

Mixaylovlar - 1,16 milyard dollar

Ötən il onluqda olan Məhəmmədovlar, Şalamovlar və Zubitskilər bu il siyahıya düşə bilməyiblər.