"Ordu-2019" silah sərgisi zamanı Rusiya tərəfi Azərbaycana müxtəlif növ döyüş təyyarələri təklif edib.

GancaPost xəbər verir ki, Azərbaycan Müdafiə Sənayesi Nazirliyinə yaxın "Azeri Defence" saytı bildirib ki, RF Aviatikinti Korporasiyası Azərbaycana SU-30 SM və MİQ-35 qırıcılarını almağı təklif edib. Lakin Bakı seçim etməyib.

Sərgi zamanı Rusiya tərəfi Azərbaycana SU-34 bombardmançı və SU-35 qırıcı təyyarələrini, həmçinin İl-76MD-90A hərbi nəqliyyatı təklif edib.

Həmin təyyarələrin uçuş təqdimatı keçirilib. Rusiya tərəfi bildirib ki, həmin təyyarələrin Azərbaycana ixracı üçün danışıqlara başlamağa hazırdır, məlumatda deyilir.