Türkiyə Prezidenti Rəcəb Tayyib Ərdoğan Milli Məclisdə çıxış edərkən Şərqin böyük şairi Nizami Gəncəviyə həsr edilən şeirdən bir parçanı səsləndirib.

GancaPost.info-nun məlumatına görə, R.T.Ərdoğan bildirib ki, sadəcə Şuşa, ya da Qarabağ deyil, Azərbaycanın, türk dünyasının hər yeri böyük şairlər və sənətçilər yetişdirib: "Məsələn, bu il Nizami Gəncəvinin anadan olmasının 880-ci ildönümüdür. Əsrlər boyunca şairlər onunla yarışmağı və ona çatmağı özlərinə ləyaqət sayıblar. "Avni" təxəllüsü ilə şeirlər yazan Fatih Sultan Mehmetin bir əsərində də eyni məsələyə rastlanır:

"Bu kelam ile Nizami işidürse sözüni,

İlteler sana hased Sa"di vü Selman bu gice"

Qeyd edək ki, R.T. Ərdoğan daha öncə də çıxışlarında şeirlərə, ədəbiyyat nümunələrinə yer verməsi ilə seçilib.