-- Adversting 9 --
-- Adversting 10 --
-- Adversting 1 --

Rəsulzadə, Xoyski və Yusifbəylinin heykəli qoyulsun - Deputat

Deputatdan Azərbaycan Xalq Cümhuriyyəti ilə bağlı - Təklif

17:38:49 | 2019-05-29

Deputat Aydın Mirzəzadə Azərbaycan Xalq Cümhuriyyətinin tarixi rolunu dəyərləndirərək paytaxt prospektlərinin birinin adının “Cümhuriyyət” prospekti adlandırılmasını təklif edib.

GancaPost xəbər verir ki, deputat eyni zamanda Cümhuriyyət Liderlərinə abidə ucaldılmasını da təklif edib:

 “Azərbaycan Xalq Cümhuriyyətinin böyük tarixi rolunun qiymətlədirilməsi üçün iki təklif irəli sürürəm:

1. Bakı şəhərində bir “Cümhuriyyət” prospekti olsun.

Ya mövcud prospektlərdən birinin adının dəyişdirilərək “Cümhuriyyət” prospekti adlandırmaq, ya da hansısa yeni bir prospekti bu adla adlandırmaq olardı.

“Cümhuriyyət” prospekti o şanlı tarixi bir daha hər birimizin yadına salar, o tarixə yüksək hörmətimizi bir daha göstərərdi.

2. Bakı şəhərində Cümhuriyyət rəhbərlərinin heykəl kompleksinin qurulmasını təklif edirəm. Əlimərdan bəy Topçubaşov, Nəsib bəy Yusifbəyli, Fətəli xan Xoyski, Məmməd Əmin Rəsulzadə, Xosrov bəy Sultanov və digərlərinin heykəl kompleksinin şəhərin mərkəzində ucaldılması Xalq Cümhuriyyətinin tarixinə bizim yüksək hörmətimizi bir daha nümayiş etdirmiş olardı”, - deyə deputat qeyd edib.


ETİKET :  

Daha Çox