Sınıq (Qırmızı) Körpü Sərhəd-Buraxılış məntəqəsinin Azərbaycan tərəfində pasport sistemi çöküb.

GancaPost xəbər verir ki, bu barədə sosial şəbəkə istifadəçiləri, sərhəd-keçid məntəqəsinin xidmətindən istifadə edən vətəndaşlar məlumat yayıblar. Vətəndaşların məlumatına görə, hazırda yüzlərlə insan növbədə gözləyir.

Məntəqədən foto da paylaşılıb. Həmin fotoda Qırmızı Körpüdə yaranmış növbə aydın müşahidə olunur.

Məlumata görə, buraxılış məntəqəsində "İdarələrarası Avtomatlaşdırılmış Məlumat-Axtarış Sistemi"ndə (İAMAS) baş vermiş texniki nasazlıq səbəbindən şəxslərin və nəqliyyat vasitələrinin dövlət sərhədindən buraxılışında gecikmələr yaranıb.