Rusiyadan gələn sülhməramlı qüvvələr Qarabağda münaqişə zonasına aktiv şəkildə yerləşməyə başlayıb.

1960 hərbi qulluqçu, 90 zirehli transpartyor və 38-hərbi texnikadan ibarət qüvvələr təmas xətti boyunca mövqe quracaq. Sülhməramlı qüvvələrin əsasını Rusiyanın Mərkəzi Hərbi Dairəsinə daxil olan 31-ci briqada həyata keçirəcək.

Maraqlıdır ki, 31-ci briqada Sovet vaxtı Gəncədə dislokasiya olunmuş 104-cü desant diviziyanın əsasında yaradılıb. Gəncədə vaxtilə çoxlarının tanıdığı general Valeri Şerbakın rəhbərlik etdiyi diviziya 1993-cü ilə qədər Gəncədə qalmışdı.

Briqadanın əsas hissəsini 15-ci Samara moto-atıcı briqadası təşkil edəcək. Briqadanın tərkibində hücum-desant, paraşüt-desant batalyonları, kəşfiyyat batalyonu və xüsusi təyinatlı bölükdən ibarət olacaq.