Rusiya prezidenti Vladimir Putin Monqolustanda prezident Khaltmaagiin Battulga ilə dostluq və hərtərəfli strateji partnyorluğa dair müddətsiz müqavilə imzalayıb.

İmzalama mərasimində Battulga deyib ki, "iki qonşu arasında hərtərəfli strateji partnyorluğun səviyyəsi" yeni mərhələyə daxil olur.

Vladimir Putin bildirib ki, Rusiya ənənəvi olaraq Monqolustanın etibarlı enerji təchizatçısıdır.

Rusiyanın Rosneft şirkəti Monqolustanın enerjiyə tələbatının böyük bir qismini ödəyir.

Eyni zamanda Rusiya Federasiyası Prezidenti Vladimir Putin Monqolustan prezidentini Böyük Vətən Müharibəsində qələbənin 75 illiyi ilə bağlı 2020-ci il 9 mayda keçiriləcək Qələbə Paradına dəvət edib.