Növbədənkənar Parlament seçkilərində iştirak etmək üçün müraciət edən siyasi partiyaların sayı 20-yə çatıb.

GancaPost saytı xəbər verir ki, Mərkəzi Seçki Komissiyasının keçirilən iclasında daha bir partiyanın - Vətəndaş və İnkişaf Partiyasının səlahiyyətli nümayəndəsi qeydə alınıb.

Qeyd edək ki, bundan əvvəl 19 siyasi partiyanın - Yeni Azərbaycan Partiyasının, Ümid Partiyasının, Vətəndaş Həmrəyliyi Partiyasının, Böyük Quruluş Partiyası, Bütöv Azərbaycan Xalq Cəbhəsi Partiyası, Milli Dirçəliş Hərəkatı Partiyası, Azərbaycan Milli İstiqlal Partiyası, Azərbaycan Demokrat Partiyası, Böyük Azərbaycan Partiyasının, Vahid Azərbaycan Partiyasının, Ana Vətən Partiyasının, Təkamül Partiyasının, Müsavat Partiyasının, Azərbaycan Sosial Rifah Partiyasının, Vəhdət Partiyasının, Demokratik İslahatlar Partiyasının, Azərbaycan Liberal Demokrat Partiyasının, Azərbaycan Demokratik Maarifçilik Partiyasının və Müasir Müsavat Partiyasının səlahiyyətli nümayəndələri qeydə alınmışdı.

Parlament seçkilərində REAL partiyasının üzvləri də iştirak edəcəklər, amma bu partiyanın qeydiyyatı olmadığına görə onun üzvləri seçkilərdə fərdi qaydada iştirak edəcəklər.