"Nüvə müharibəsinin başlaması riski var".

GancaPost saytı Sputnik-ə istinadən xəbər verir ki, bu sözləri Rusiya Xarici İşlər Nazirinin müavini Sergey Ryabkov bildirib.

"Strateji stabillik sahəsindəki vəziyyət pisləşməyə davam edir. Təəssüf ki, bu, faktdır, danılmaz faktdır. Risklər də artmaqdadır... hətta tərəflərin nüvə münaqişəsini başlamaq niyyətinin olmadığı vəziyyətdə belə, nüvə müharibəsinin başlaması riski var. Xüsusilə son il ərzində mənfi dinamika müşahidə olunur", - Ryabkov "Ali İqtisad Məktəbi" Milli Tədqiqat Universitetinin məruzəsinin təqdimatı zamanı deyib.

"Qərbdəki həmkarlarımız daha emosional, bəzən də çox aqressiv hərəkət etməyə başlayıblar", - o, əlavə edib.

Ryabkov qeyd edib ki, Qərbli tərəfdaşlar dialoq üçün nəzərdə tutulmuş kanalların işinə maneə törədirlər və silahlanmaya nəzarət arxitekturasını sarsıtmağa davam edirlər.