Əlilliyi olan şəxslərin hüquqları haqqında yeni qanun layihəsi qəbul olunub. Yeni qanuna görə, əlilliyin müəyyən olunması meyarları artıq ənənəvi olaraq 1, 2, 3-cü qruplarla aparılmayacaq, bu sırf orqanizmin funksiyalarının itirilməsi faizinin dəyərləndirillməsi ilə olacaq.

Hazırda tətbiq olunan praktika isə tam ümumiləşmiş praktikadır. Belə ki, bütün 2-ci və 3-cü qruplara 5 illik müddətə, 1-ci qruplara isə müddətsiz təyinat aparılır.

Əmək və Əhalinin Sosial Müdafiəsi Nazirliyindən RealTV-yə verilən məlumata görə, yeni qanunda isə əlilliyin müəyyən olunması meyarları ilə bağlı Əmək və Əhaliniinin Sosial Müdafiəsi Nazirliyi, Səhiyyə Nazirliyinin xüsusi işçi qrupu, o cümlədən müxtəlif xəstəliklər üzrə mütəxəssislərlə işləyir. Eyni zamanda beynəlxalq təcrübə də öyrənilir. Bu günlərdə təkmil sənəd hökumətə təqdim olunacaq.

Yeni qanunun bu ilin sonu, gələn ilin əvvəli qəbul olunması gözlənilir.