-- Adversting 9 --
-- Adversting 10 --
-- Adversting 1 --

''Kəpəz'' azarkeşləri etiraz edir

Şəhərin Spartak stadionu, Metallurq stadionu və Mərkəzi stadion bərbad vəziyyətdədir.

03:34:29 | 2019-04-05

"Kəpəz" futbol klubunun bir qrup azarkeşləri Gəncə şəhər Stadionunun pis vəziyyətdə olmasından şikayətçidirlər.

GencePost.com-un məlumatına görə, onlar bununla bağlı dəfələrlə bəyanat yayıb, sosial şəbəkələrdə etirazlarını bildiriblər. Azarkeşlər qeyd edirlər ki, yarım milyon əhalisi olan Gəncə şəhərində bir normal futbol meydanı yoxdur. Şəhərin Spartak stadionu, Metallurq stadionu və Mərkəzi stadion bərbad vəziyyətdədir.

Gəncəli fanatlar komandanın ev oyunlarını keçirdiyi stadionun müasir standartlara cavab verəcək səviyyəyə gətirilməsini tələb edirlər.

Azarkeşlərin bildirdiyinə görə, ölkənin ikinci böyük şəhərinin stadionu pis vəziyyətdə olsa da oyununa 1000 nəfər azarkeş gəlməyən komandaların stadionu azarkeş rekordları qıran "Kəpəz"imizin stadionundan qat-qat yaxşı vəziyyətdədir. Günü-gündən də stadionun vəziyyəti bərbad hala düşür.

Ümid edirik ki, Gəncə şəhərinin yeni rəhbərliyi həm Gəncə üçün müasir stadion tikilməsinə nail olacaq, həm də yenidən “Kəpəz” klubunun Azərbaycan Premyer Liqasına yüksəlməsinə köməklik göstərəcək.

Qeyd edək ki, Gəncə şəhər Mərkəzi Stadionu şəhər Gənclər və İdman İdarəsinin balansındadır.


ETİKET :  

Daha Çox