-- Adversting 9 --
-- Adversting 10 --
-- Adversting 1 --

Hüquqşünasla deputat arasında yenidən “Rəsulzadə qalmaqalı”

Aslan İsmayılovla Naqif Həmzəyev arasında yenidən “Rəsulzadə davası”

08:09:58 | 2020-05-22

Bir neçə gün öncə Ermənistanın Baş naziri Nikol Paşinyan Azərbaycan Xalq Cümhuriyyətinin (AXC) banisi Məhəmməd Əmin Rəsulzadə haqqında sərsəm fikirlər səsləndirib. Paşinyan Məhəmməd Əmin bəyi faşist Almaniyası ilə əməkdaşlıqda ittiham edib.

GancaPost.info xəbər verir ki, tanınmış hüquqşünas Aslan İsmayılov bu məsələyə sosial şəbəkə vasitəsilə münasibət bildirib:

“Bəziləri Paşinyanın Məhəmməd Əmin Rəsulzadə ilə bağlı fikirlərinə çox əsəbiləşirlər. Mən isə tam əksini düşünürəm, çünki düşmən pisləyirsə deməli xalqı üçün müsbət Lider olub. Ən əsası isə bundan sonra M.Ə.Rəsulzadəyə ağız büzən deputat Naqif Həmzəyev kimilərini erməni Paşinyanla haqlı olaraq müqayisə etmək olar”, - deyə hüquqşünas bildirib.

Naqif Həmzəyev isə məsələ ilə bağlı MüsavatTV-də açıqlama verib:

“O vaxtda demişəm, indi də deyirəm ki, mən Azərbaycan Xalq Cümhuriyyətinin qurucusu Məhəmməd Əmin Rəsulzadə haqqında mənfi fikir söyləməmişəm. O vaxt başqa proseslər baş verdi, mən informasiya terrorunun qurbanı oldum. Dəfələrlə bu barədə açıqlama vermişəm. Bu gün heç kimin haqqı çatmır ki, Azərbaycanın tarixi şəxsiyyətləri, Azərbaycan Xalq Cümhuriyyətinin qurucuları haqqında mənfi fikir söyləsin. Qaldı ki, Paşinyanın səsləndirdiyi fikirlər haqqında, deyə bilərəm ki, Paşinyanın babası öz əqidəsinə xəyanət etmiş şəxsdir, Məhəmməd Əmin Rəsulzadə isə öz əqidəsindən dönməyim, sona qədər müstəqil Azərbaycanın qurulması üçün mübarizə aparıb”.

Xatırladaq ki, bir neçə il əvvəl Naqif Həmzəyevin adından AXC-nin qurucusu M.Ə.Rəsulzadə barədə xoşagəlməz fikirlər yayılmışdı və bu cəmiyyət tərəfindən ciddi tənqid olunmuşdu.


ETİKET :  

Daha Çox