GancaPost saytı gürcü mediasına istinadən xəbər verir ki, bu barədə Gürcüstanın baş naziri Giorgi Qaxaria məlumat verib.

Baş nazir bununla bağlı Səhiyyə Nazirliyinə göstəriş verdiyini deyib: "Turizmin bərpası üçün əsas məqamlardan biri sərhəd məsələsidir. Həm quru, həm də hava sərhədi vasitəsilə Gürcüstana daxil olacaq hər bir şəxs ciddi yoxlamadan keçiriləcək".

O deyib ki, sərhəddə şəxslərin yoxlanılması üçün Səhiyyə Nazirliyinin imkan və texnologiyaları var. Həmçinin nazir əlavə edib ki, ölkəyə gələn şəxslər 24 saatlıq test yoxlamaları əvəzinə, 1 saat ərzində yoxlanılması üçün artıq Səhiyyə Nazirliyinə tapşırıq verilib və bu istiqamətdə işlər aparılır.

Qeyd edək ki, Gürcüstan iyulun 1-dən sərhədlərini açmaq və xarici turistləri qəbul etməyə hazır olacaq.