Gəncə sakinləri marketlərə axışır
ÖLKƏ
05 İyun 2020, 12:11
196
Nazirlər Kabineti yanında Operativ Qərargahın qərarına əsasən həftəsonu sərt karantin rejimi tətbiq olunacaq.
GancaPost.info xəbər verir ki, bu qərardan sonra əhalinin marketlərə xüsusi axını müşahidə olunub.
Ötən gün axşamdan etibarən əhali 2 günlük ərzaq tədarükünü təmin etmək üçün mağazalara üz tutub.
Apardığımız müşahidələr nəticəsində Gəncədə bəzi marketlərdə sıxlıqlar müşahidə olunurdu. Supermarketlərin əksəriyyətində müştərilərin eyni məhsuldan 2 və daha çox alındığı görülürdü. Bununla yanaşı, toyuq məhsulları, makaron, düyü və un məmulatları da bir neçə ədəd olmaqla alınan əsas ərzaqlardandır.
Müşahidələr nəticəsində supermarketlərin əksəriyyətində vətəndaşlar tərəfindən sosial məsafəyə riayət olunmurdu.
Qeyd edək ki, rəsmi olaraq 6 iyun saat 00:00-dan 8 iyun saat 06:00-dək Bakı, Sumqayıt, Gəncə, Lənkəran şəhərlərində və Abşeron rayonunda sərt karantin rejimi tətbiq olunacaq. İki gün ərzində vətəndaşlar yalnız həyat və sağlamlığa bilavasitə təhlükəli vəziyyət yarandığı halda, yaxın qohumların dəfni üçün evi tərk edə bilərlər. Digər halda cərimələr tətbiq olunacaq.
OXŞAR XƏBƏRLƏR
XƏBƏR LENTİ
ƏN ÇOX OXUNANLAR
- Bu gün
- Bu həftə
- Bu ay
