Prezident İlham Əliyevin göstərişi ilə Azərbaycanın 7 şəhər və rayonunda, o cümlədən Gəncədə küçə işıqlandırılması ilə bağlı yeni layihə həyata keçirilir. Cari ilin sentyabr ayının əvvəlindən icrasına başlanılan layihədə işlər üç - A (qazıntı işlərinin aparılması), B (elektrik kabellərinin çəkilməsi) və C (işıq dirəklərinin basdırılması) kateqoriyaları üzrə aparılır.
Gəncənin Cavad Xan və Məhsəti qəsəbələrində, Gülüstan yaşayış massivində, Qarabağ, X.Rəfibəyli, Aşıq Ələsgər və digər küçələrində A kateqoriyası üzrə işlər yekunlaşmaq üzrədir. Daha sonra işıq dirəklərinin quraşdırılmasına başlanılacaq.
Layihə çərçivəsində ümumi uzunluğu 245 kilometr olan 400-dən artıq küçədə 8 000 min yeni işıq dirəyi quraşdırılacaq. Layihənin yekununda şəhərin müxtəlif əraziləri "Fillips" şirkətinin müasir plafonları və led lampaları ilə işıqlandırılacaqdır.
Qeyd edək ki, sözügedən layihənin icrasını Bakı Abadlıq Xidməti ilə birgə Gəncə Şəhər İcra Hakimiyyəti həyata keçirir. Layihənin icrası ilə bağlı hər üç kateqoriya üzrə işlərə 200-ə yaxın işçi cəlb edilib.