-- Adversting 9 --
-- Adversting 10 --
-- Adversting 1 --

Gəncə futbolu ilə bağlı Prezidentə müraciət olunub

Gəncə futbolunun durumu ilə bağlı Prezident İlham Əliyevə müraciət ünvanlanıb.

01:15:31 | 2019-06-02

GancaPost xəbər verir ki, Xəmsə Fan Klubundan verilən məlumata görə, “Kəpəz” komandasının əvvəlki əzəmətinin geri qaytarılması, komandanın Azərbaycan Premyer Liqasında çıxışının təmin olunması üçün gəncəli ziyalılar və futbol azarkeşləri adından Prezident İlham Əliyevə müraciət ünvanlanıb.

Məktubda gəncəlilər ölkə başçısından Azərbaycanın ikinci böyük şəhəri və futbolunun "Məkkə"si adlandırılan şəhərə futbolun qaytarılmasında yardım etməsini xahiş ediblər.

"Hazırda Gəncədə futbol yox səviyyəsindədir. Son illərdə “Kəpəz” klubunun aşağı liqaya göndərilməsi, komandada maddi-texniki bazanın aşağı olması, Gəncə stadionunun baxımsız və təhlükəli vəziyyətinə biganəlik və ümumiyyətlə “Kəpəz”ə qarşı ögey münasibət bizim, eləcə də bütün Gəncə əhlinin ən ağrılı yeridir. Biz əvvəllər olduğu kimi, indi də komandamızın Azərbaycan Premyer Liqasında çıxış etməsini, 20 mindən artıq “Kəpəz” azarkeşinin Gəncə şəhər stadionunda çiyin-çiyinə doğma komandalarını qələbələrə səsləməsini istəyirik.

Qeyd edək ki, Prezident İlham Əliyevə ünvanlanmış məktub gəncəli ziyalılar, elm-mədəniyyət və idman xadimləri və sadə vətəndaşlar tərəfindən imzalanıb.


ETİKET :  

Daha Çox