"Gəncə şəhər Mənzil Kommunal Təsərrüfatı" İstehsalat Birliyi şəhər ərazisində abadlıq işlərinə 3,5 mln. manatdan çox vəsait yönəldəcək.

GencePost.com İnterfax-Azərbaycan agentliyinə istinadən xəbər verir ki, "Gəncə Körpü Tikinti-2" ASC ilə ümumi dəyəri 3 mln. 508,2 min manat olan 2 müqavilə imzalanıb.

Birinci müqavilədə şəhərin küçə, prospekt və yollarının əsaslı təmiri işlərinin həyata keçirilməsi nəzərdə tutulur. Müqavilənin dəyəri 2 mln. 516,7 min manatdır.

İkinci müqavilə isə şəhər ərazisində abadlıq və quruculuq işlərinin həyata keçirilməsini nəzərdə tutur. Bu Müqavilənin dəyəri 991,5 min manatdır.