-- Adversting 9 --
-- Adversting 10 --
-- Adversting 1 --

Gəncədə yolların təmirinə əlavə 2 milyon manat xərclənəcək

Gəncə şəhər İcra Hakimiyyəti 2 milyon manatlıq müqavilə - İMZALADI

21:03:27 | 2020-11-28

GancaPost.info xəbər verir ki, Gəncə şəhər İcra Hakimiyyəti Gəncə şəhərində küçə və prospektlərdə yolların təmiri (abadlıq-quruculuq) işlərinin davam etdirilməsi, habelə 2020-ci il iyulun 11-də şəhərə yağan güclü leysan nəticəsində şəhərin mərkəzi küçə və prospektlərində sıradan çıxan asfalt-beton işlərinin əsaslı təmirinin (əlavə işlərlə) satın alınması tenderində iştirak edən iddiaçıların qiymət təkliflərini qiymətləndirib. Təkliflərdən sonra tenderin qalibi “ƏRDAĞI” MMC olub.

Gəncə şəhər İcra Hakimiyyəti qalib şirkətə 1 milyon 997 min 796 manat ödəyəcək.

Qeyd edək ki, “Ərdağı” MMC dəfələrlə Gəncədə buna bənzər tenderlərin qalibi olub.

Elə bu ilin aprel və iyun aylarında da Gəncə Şəhər İcra Hakimiyyəti bu MMC ilə maliyyə dəyəri 3,2 milyon (aprel ayında) və 3 milyon 175 min (iyun ayında) manatlıq müqavilə imzalayıb. Şirkət bu məbləğə Gəncədə abadlıq-quruculuq işlərini həyata keçirib.

İqtisadiyyat Nazirliyi yanında Dövlət Vergi Xidmətinin reyestr məlumatlarına görə, “Ərdağı” MMC 10 dekabr 1992-ci ildə yaradılıb. Nizamnamə kapitalı 10.6 AZN olan MMC-nin hüquqi ünvanı Gəncə şəhəri “Asfalt Zavod”da yerləşir. Şirkətin qanuni təmsilçisi isə Məmmədov Nazim Fuad oğludur. Açıq mənbələrdə Nazim Məmmədov barəsində hər hansı bir məlumat yoxdur.


ETİKET :  

Daha Çox