-- Adversting 9 --
-- Adversting 10 --
-- Adversting 1 --

Gəncədə yolların təmirinə başlanılıb

Gəncənin İcra başçısı yolların təmir və bərpa işləri ilə tanış olub.

15:50:01 | 2019-08-14

 

Gəncədə aparılan tikinti işlərindən biri də yolların bərpası, küçə işıqlandırılması və köhnə işıq dirəklərinin yenisi ilə əvəz edilməsidir.

GancaPost saytı xəbər verir ki, bununla əlaqədar olaraq Gəncə şəhər İcra Hakimiyyətinin başçısı Niyazi Bayramov şəhərin bir sıra ərazilərinə baş çəkib. İcra başçısı əvvəlcə N.Nərimanov prospekti boyunca görülən işlərlə maraqlanıb. Burada şəhər rəhbərinə məlumat verərək bildirilib ki, prospektdə, şəhərdaxili küçələrin yollarında köhnə asfalt qatı qazılaraq yenisi ilə əvəz olunur.

Çat olan yerlər xüsusi texnika ilə çapılaraq götürülür və həmin yerlərə xırda dənəli asfalt tökülərək üzərinə bitum vurularaq yeni asfalt örtüyü ilə üzlənir. Niyazi Bayramov prospektə görülən işlərlə ətraflı tanış olduqdan sonra yolun təmirinin keyfiyyətli aparılmasına, həmçinin küçələrdə köhnə işıq dirəklərinin yenisi ilə əvəz edilməsinə dair bir sıra tapşırıqlar verib.

Daha sonra Gəncə şəhər İcra Hakimiyyətinin başçısı Niyazi Bayramov şəhərin Əttarlar küçəsi adlanan ərazisində olub. Burada sakinlərlə görüşən İcra başçısı onları narahat edən məsələlərlə yerində tanış olub. Sakinlər əsasən küçələrdə və məhəllədaxili yollarda asfalt örtüyünün olmamasından, habelə su təchizatının yaxşılaşdırlması və digər məsələlərlə bağlı müraciətlər ediblər. Sakinləri dinləyən şəhər rəhbəri mövcud problemləri araşdıraraq aradan qaldırlması üçün aidiyyatı qurumlara tapşırıqlar verib.

 


ETİKET :  

Daha Çox