-- Adversting 9 --
-- Adversting 10 --
-- Adversting 1 --

Gəncədə 74 valideyn övladını məktəbə göndərmək istəmir

Gəncədə övladını məktəbə göndərmək istəməyənlərin sayı açıqlanıb.

22:35:36 | 2020-09-22

Təhsil Nazirliyinin yaydığı məlumata görə, ölkə üzrə ümumilikdə ibtidai təhsil səviyyəsi üzrə təhsil alan 625 394 şagirddən 7 868 nəfərin valideyni övladlarının məktəbə göndərməsini məqbul saymır. Gəncədə isə 74 valideyn övladının əyani şəkildə dərslərdə iştirakına qarşıdır.

Sentyabırın 15-dən başlayan yeni tədris ilinin qaydalarına görə, övladlarını məktəbə yola salan valideynlər məktəbin həyətinə daxil olmurlar. Hər bir şagird məktəbin həyətinə daxil olduqda sonra sosial məsafəni qorumalıdır. Hər bir müəllim təhsil ocağının həyətində ara məsafəsi saxlamaqla öz şagirdlərini sayını yoxlayır. Daha sonra isə tibb işçiləri tərəfindən şagirdlərin hərarətləri ölçüldükdən sonra əlləri spirtlənərək sinif otaqlarına keçirlər.

Koronavirus xəstəliyi ilə bağlı olaraq övladının tədris prosesində əyani şəkildə iştirakından imtina edən valideynlər isə iltizam sənədini imzalayır. Valideyn sənəddə yazılan şərtləri oxuduqdan sonra adını, soyadını, ünvanını və digər məlumatları qeyd edərək imza atır.

Məsələ ilə bağlı Gəncə şəhər Təhsil İdarəsinin məsləhətçisi Raminə Məmmədova KəpəzTV-yə bildirib ki, mütmadi olaraq Gəncə şəhər Təhsil İdarəsinin tabeliyində fəaliyyət göstərən ümumtəhsil məktəblərində yoxlamalar həyata keçilir. "Bununla bağlı Təhsil İdarəsində Komissiya da fəaliyyət göstərir. Komissiyanın üzvləri məktəblərdə qaydaları nəzarətdə saxlanılır. Gəncə şəhər Təhsil İdarəsinə 74 iltizam sənədi ilə müraciət olunubdur. Valideynlər övladlarının məktəbə gəlməsini təhlükəli hesab etdikləri üçün müstəqil şəkildə onların öyrənməyi daha uyğun hesab etdiklərinə görə bu iltizam sənədləri imzalanır və məktəb rəhbərliyinə, ordan da Təhsil İdarəsinə təqdim olunur.

Qeyd edək ki, Gəncənin 45 orta ümumtəhsil məktəbində 18 minə yaxın şagird ibtidai təhsil alır.


ETİKET :  

Daha Çox