Son dövrlər Gəncə şəhər Uşaq Evinə atılan uşaqların sayı artmaqdadır. Bu gün sözügedən qurumda 64 uşaq məskunlaşıb. Dövlətin himayəsinə sığınan uşaqlar əsasən 3-18 yaşlardadır. Təkcə 2020-ci il ərzində sözügedən müəssisəyə atılan uşaqların sayı 20 nəfər olub. Bu rəqəm ötən illərlə müqayisədə daha çoxdur.

Təəssüf doğuran fakt odur ki, övladlarını uşaq evlərinə atan körpələrin əksəriyyətinin valideynləri həyatdadır, lakin illərlə uşaqlarının görüşünə gəlmirlər, maraqlanmırlar.

Taleyin ümidinə buraxılan uşaqlar Gəncə ilə yanaşı, ətraf şəhər və rayonlardan gətirilib. Hətta ölkənin müxtəlif şəhər və rayonlarından buraya körpələr gəlir. Düzdür dövlət bu kimsəsiz uşaqları öz diqqəti və qayğısı ilə himayə edir. Lakin heç bir diqqət ata və ya ana qayğısını əvəz edə bilməz.