GancaPost xəbər verir ki, Türkiyənin Gəncədəki Baş Konsulluğu, Gəncə şəhər İcra Hakimiyyətinin birgə təşəbbüsü ilə təşkil edilən tədbirdə şəhər ictimaiyyət nümayəndələri və şəhər sakinləri iştirak ediblər.

Tədbir iştirakçıları Türkiyənin Gəncədəki Baş konsulluğunun binası önündən Xan Bağına yürüşü ediblər. Parkda günün anlam və önəmini simvolizə edən çinar ağaçı əkilib. Tədbir iki dövlətin himnlərinin səsləndirilməsi ilə başlayıb.

Tədbiri giriş sözü ilə açan Türkiyənin Gəncədəki baş konsulluğu Zəki Öztürk Türkiyənin Milli Azadlıq mücadiləsindən danışıb. Baş konsul deyib ki, 19 May 1919-cu ildə Mustafa Kamal Atatürk Bandırma (İstanbuldan hərəkət edən) gəmisi ilə Samsuna gəlib. Antanta dövlətlərinin işğalına qarşı olan Qurtuluş Müharibəsinin Başlanğıcı olaraq qəbul edilən bu günü Atatürk gənclərə hədiyyə edib. Həmçinin, 19 May 1919-cu il Türkiyə Cümhuriyyət tarixində qurtuluş savaşının başlanğıcı hesab edilir. Hətta Atatürkə doğum gününü soruşanlara 19 Mayı eyham etməsi bugünün önmənin böyük sübutudur".

Tədbirdə Gəncə Dövlət Filarmoniyasının solisti, əməkdar artist Kəmalə Tağızadə "Qaradəniz" mahnısı səsləndirib. Gəncə Dövlət Dram Teatrı aktyorlarının ifasından "Xərabət gözəli"ndən parça - Səmazən rəqsi təqdim olunub. Tədbirdə Gəncə Uşaq Evinin, Musiqi Kollecinin "Buta" Vokal İnstrumental Ansamblının, Gəncə Uşaq Gənclər inkişaf Mərkəzinin "Azərin" rəqs qrupu çıxış edib.