Bu gün Azərbaycanın bir çox bölgələrində olduğu kimi, Gəncədə də insanlar arasında yüksək vətənpərvərlik ab-havası hiss olunur.

İşğal altında olan torpaqlarımızın azad edilməsinə dəstək üçün Gəncədə şəhər sakinləri də üç rəngli bayrağımızı hündürmərtəbəli yaşayış binalarının eyvanlarına, ticarət obyektlərinin qarşısına, şəxsi avtomobillərinin pəncərələrinə asıb. Üç rəngli şanlı Azərbaycan bayrağının tez bir zamanda Qarabağımızda dalğanacağına inam hissini nümayiş etdirən bu hal orduya və dövlətə dəstək anlamına gəlir. İşğal altında olan torpaqlarımızın rəşadətli Azərbaycan ordusu tərəfindən tez bir zamanda işğalçılardan azad ediləcəyinə inam yüksəkdir.