GancaPost.info xəbər verir ki, bu barədə Gəncə şəhər İcra Hakimiyyətinin başçısı Niyazi Bayramov Gəncə şəhər İcra Hakimiyyətinin yanında Koronavirusa Qarşı Mübarizə Qərargahının üzvlərinin iştirakı ilə keçirilən videokonfrans zamanı bildirib.

Niyazi Bayramov qeyd edib ki, ölkə başçısı cənab İlham Əliyevin tapşırıq və tövsiyyələrinə uyğun olaraq Gəncədə xüsusi karantin rejimi tələblərinin icrasına nəzarət daha da gücləndirilməlidir. Şəhər rəhbəri koronavirusa (COVİD-19 ) qarşı mübarizə tədbirləri çərçivəsində Gəncədə fəaliyyət göstərən kiçik həcmli ictimai nəqliyyat vasitələrinin böyük tutumlu avtobuslarla əvəzlənməsini tapşırıb.

Videokonfrans zamanı qeyd edilib ki, ictimai-nəqliyyat vasitələri hər günün sonunda dezinfeksiya olunurlar. Bununla yanaşı avtobuslarda sərnişinlərin istifadəsi üçün dezinfeksiyaedici məhlullar da yerləşdirilir. Sürücülərin tibbi maskalardan istifadə etməsinə də xüsusi nəzarət olunmalıdır.