-- Adversting 9 --
-- Adversting 10 --
-- Adversting 1 --

“Gəncədəki erməni kilsəsi soyqırım muzeyinə çevrilməlidir”

“Gəncədəki erməni kilsəsi soyqırım muzeyi kimi fəaliyyət göstərə bilər” - TƏKLİF

17:08:29 | 2020-08-23

İslam dininin tələblərinə görə başqa dinlərin ibadət məkanlarına toxunmaq, təhqir etmək olmaz. Bu baxımdan Gəncədəki erməni kilsəsi də tarixi abidə kimi qorunub saxlanılmalıdır. Bu kilsə şəhərin ikinci hissəsi deyilən ərazidə görkəmli yerdədir, uzun illərdir istifadəsiz qalıb. Bu mənada kilsəni ermənilərin azərbaycanlılara qarşı genosid siyasətini əks etdirən bir məkana çevirmək - soyqırım muzeyi etmək olar.

Muzeydə ermənilərin azərbaycanlılara qarşı törətdiyi cinayətləri əks etdirən sənədlərin, faktların nümayiş etdirilməsi də vacibdir.

İnsanlar bu məkana gələrək, bizim onların məbədinə olan münasibətimizi görsünlər, onların da bizim insanlarımıza olan vəhşiliklərini əyani sübut kimi görsünlər.

Ümumiyyətlə, bu abidədən iki cür istifadə etmək olar: ya muzey kimi - ya da kitabxana kimi.

Bu kilsədən kitabxana kimi də istifadə etmək olar. Elektron şəkildə müasir kitabxana qurmaq olar. Amma elə kitabxana yaratmaq lazımdır ki, çox çətin tapılan tarixi kitablar orada olsun. Yəni ki, nadir fond kitabxanası yaratmaq olar. Həmçinin erməni yalanlarının ifşası ilə bağlı tarixi sənədlər də. Ermənilərin tarixi Azərbaycan torpaqlarına köçürüldükləri dövrdən etdikləri vəhşiliklər də orada əks olunmalıdır.

Təbii ki, irəli sürülən bu təklifin dəyərləndirilməsi, formalaşdırılması aidiyyati qurumların və Mədəniyyət Nazirliyinin üzərinə düşür.

Qeyd edək ki, Gəncədəki erməni kilsəsi Çar Rusiyasının vaxtında ruslar tərəfindən tikilib. Gəncəli tədqiqatçı Namlet Allahverdiyev “Gəncə Məhəllələri” adlı kitabında erməni kilsəsinin 1852-ci ildə tikildiyini qeyd edir. Kilsə (ermənilər tərəfindən Sarkis kilsəsi adı qoyulmuş) Gəncənin Çələbiyanlı məhəlləsində yerləşir.

Elçin Əsgərov


ETİKET :  

Daha Çox