Ermənilər öz məkrli niyyətlərini həm də mülki vətəndaşlara, xüsusən də uşaqların təhsil aldıqları məktəblərə atəş açmaqla göstərirlər.

Son bir neçə gündür ki, cəbhəyanı bölgələrlə yanaşı, digər şəhər və rayonlarımızdakı məktəblər də raket atəşinə məruz qalır.

Ermənistan ərazisindən bu günədək Gəncə şəhərinə dəfələrlə raket atılıb. Nəticədə bir neçə məktəbə ziyan dəyib. Onlardan biri də M.Mehdizadə adına 4 nömrəli xarici dillər təmayüllü məktəbdir. Hadisə nəticəsində məktəbin binası yararsız hala düşüb.