Bu günlərdə sosial şəbəkələrdə Gəncənin dövlət idarələrindən birinə məxsus olduğu bildirilən və hələ də əhaliyə kommunal xidmət göstərən "Qaz 56" liftinq (qaldırıcı) maşınlarının şəkilləri yayılıb. Məsələ sosial şəbəkə istifadəçiləri arasında müzakirəyə və etiraza səbəb olub.

Ölkənin ikinci şəhərində istifadə olunan bu sınıq-salxaq və "ömrünü başa vurmuş" maşınlar deyilənə görə, şəhərin Mənzil Kommunal Təsərrüfatına və ya şəhər Elektrik Şəbəkəsinə məxsusdur. Qeyd olunan maşınlar təxminən 70-ci illərdə şəhərə gətirilib. Təəssüf ki, bu köhnə maşınlardan hələ də vətəndaşlara xidmət adı ilə istifadə olunur.