2021-ci ilin əvvəlinə olan məlumata görə, Azərbaycan Respublikasında şəxsi minik avtomobillərinin sayı 1 204 682 ədəd təşkil edib. Bakı şəhərində bu rəqəm 526744-dür.

Bu barədə Dövlət Statistika Komitəsindən verilən məlumatda bildirilib.

Rəsmi məlumata görə, ölkədə hər 100 ailəyə düşən şəxsi minik avtomobillərinin sayı 56 ədəd təşkil edir.

Bakıda hər 100 ailəyə düşən şəxsi minik avtomobilləri 99, Sumqayıtda 59, Gəncədə 60, Bərdədə 53 ədəddir.

Dövlət Gömrük Komitəsinin məlumatına əsasən, ötən il Azərbaycana 49 692 ədəd minik avtomobili idxal olunub.