Gəncənin Ermənistan silahlı qüvvələri tərəfindən raket atəşinə tutması nəticəsində iki uşaq anası görmə qabiliyyətini itirib.

Bir neçə gün əvvəl düşmənin Gəncə şəhərini raket atəşinə tutması nəticəsində ağır yaralananlardan biri də 26 yaşlı iki uşaq anası Pərvin Qasımovadır. O, şəhərə atılan raket nəticəsində uçmuş evinin dağıntıları altında qalıb və hər iki gözündən ağır xəsarət alaraq, görmə qabiliyyətini itirib.

P.Qasımova hadisə zamanı evdə tək olmayıb, onun iki övladı da dağıntılar altında qalıb. Xoşbəxtlikdən körpələr ciddi xəsarət almayıb.

Qeyd edək ki, Pərvin Qasımovanın müalicəsi yerləşdirildiyi xəstəxanada davam edir.