Emənistan silahlı qüvvələri Gəncəni raket atəşinə tutsa da, şəhərdə əhalinin əhval-ruhiyyəsi yüksəkdir.

GancaPost.info xəbər verir ki, ermənilərin atdıqları raket zərbələri nəticəsində ölən və yaralananlar olsa da, şəhərdə həyat öz axarı ilə davam edir. Əhalidə yüksək əhval-ruhiyyə var, Azərbaycan Ordusuna böyük inam var. Hazırda şəhərdə əhali şəxsi avtomobillərində Azərbaycan bayrağı nümayiş etdirir, Ordumuzun qələbəsini böyük sevinclə alqışlayırlar. İnsanlar əllərində bayraq küçələrdə gəzir, Gəncə əhalisi anlayır ki, bu ermənilərin təxribatlarıdır və Azərbaycan Ordusu bu təxribatların qarşısını layiqincə alır. Əhali əmindir ki, Azərbaycan Silahlı Qüvvələri yaxın günlərdə Azərbaycanın işğal altındakı ərazilərini düşmən tapdağından tam azad edəcək və orada Azərbaycan bayrağı dalğalanacaq. Erməni təxribatları Gəncə sakinlərini qorxutmur.

Gəncə ayaqdadır! Gəncə üç rəngli dövlət rəmzinə bürünüb, böyük səbirsizliklə zəfər xəbərini gözləyir!