-- Adversting 9 --
-- Adversting 10 --
-- Adversting 1 --

Deputat “Azərsu”dan şikayətləndi: Gəncənin yolları bərbad hala salınıb

Milli Məclisdə Gəncənin su-kanalizasiya və yol problemlərindən danışılıb.

00:35:49 | 2021-02-13

Milli Məclisin keçirilən iclasında deputat Naqif Həmzəyev təmsil etdiyi Gəncənin əsas problemlərindən birinə diqqəti çəkib.

GancaPost.info xəbər verir ki, çıxışında “Azərsu”nun fəaliyyətini tənqid edən deputatın sözlərinə görə, şəhərin su-kanalizasiya sisteminin yenidən qurulması adı ilə küçələr bərbad hala salınıb:

“10 ilə yaxındır ki, Gəncədə “Azərsu” tərəfindən su-kanalizasiya layihəsi həyata keçirilsədə, hələ də bu layihə tamamlanmayıbdır. Bu layihəyə görə Gəncənin yol infrasukturuna çox böyük ziyan vurulur. Qazılan yollar dəfələrlə qazılır. Şəhərin mərkəzi küçələrində, həmçinin Nizami Gəncəvi prospektində də çoxlu sayda çuxurlar əmələ gəlib, yol keçilməz hala çevrilib. Hələ mən digər küçə və prospektlərin adını çəkmirəm. “Azərsu” Gəncəlilərə bu layihə ilə bağlı və şəhərin asvalt örtüyünə dəymiş ziyanla bağlı bir hesabat, açıqlama verməlidir. Və problemləri aradan qaldırmalıdır” - deyə N.Həmzəyev bildirib.

Deputat çıxışında 2021-ci il Nizami Gəncəvi ilə əlaqədar olaraq Gəncə Hava Limanına Nizami Gəncəvinin adının verilməsini də təklif edib.

N.Həmzəyev daha sonra bildirib ki, Moskva-Bakı reysi artıq açılır: “Yaxşı olardı ki, Gəncə-Moskva, Gəncə-İstanbul reysi də açılsın. Çünki, Gəncə əhalisi əsasən ticarətlə məşğul olur”.


ETİKET :  

Daha Çox