"25 ildən artıqdır ki, ABŞ Azərbaycanı dəstəkləyir. Bu gün də Azərbaycanın dünyada rolu artdığı vaxt, biz sizin yanınızdayıq".

GancaPost xəbər verir ki, bu sözləri ABŞ-ın Azərbaycandakı səfiri Örl Li Litzenberger 4 iyul Amerikanın Müstəqillik Gününə həsr olunmuş tədbirdə çıxışı zamanı deyib.

"ABŞ-la Azərbaycan arasında əməkdaşlıq güclənməkdədir. Biz bu gün həm də inkişaf etmiş ABŞ və Azərbaycan dostluğunu qeyd edirik. Ölkəniz müstəqilliyini yenidən bərpa etdiyi andan ABŞ Azərbaycanın müstəqilliyini dəstəkləyib. ABŞ-la Azərbaycan arasında əlaqələrin həm də parlaq gələcəyi var".

Səfir qeyd edib ki, iki ölkə arasında əlaqələrin inkişafı üçün o da bütün səyləri göstərəcək: "Azərbaycanın dünya səhnəsində rolu artmaqda ikən, biz sizin yanınızdayıq. ABŞ Azərbaycanın müstəqilliyinə hörmət edir və dəyərləndirir".