-- Adversting 9 --
-- Adversting 10 --
-- Adversting 1 --

Gəncədə koronavirusa yoluxmanın səbəbi açıqlandı - RƏSMİ

"Gəncədə karantin rejiminə düzgün əməl olunmadığına görə yoluxma artmışdı"

18:39:31 | 2020-05-06

"Azərbaycanda yoluxma halları arasında faiz göstəriciləri Bakı üzrə 45.3, Gəncə-Qazax üzrə 14.1, Lənkəran üzrə 10 faiz təşkil edir".

GancaPost saytı xəbər verir ki, bunu İcbari Tibbi Sığorta üzrə Dövlət Agentliyinin İdarə Heyətinin sədri Zaur Əliyev Nazirlər Kabineti yanında Operativ Qərargahın brifinqində çıxışı zamanı deyib.

Agentlik sədri qeyd edib ki, həmin ərazilər narıncı zona elan edilib və orada karantin qaydalarına ciddi riayət edilmir: "Yoluxanlar əsasən eyni ailənin üzvləri olub, bir-birilərinə yoluxdurublar. Bir nəfər bütün ailə üzvlərini yoluxdurmaqla statistikanın artmasına səbəb olur".

Agentlik sədri daha sonra qeyd edib ki, yoluxmanın artdığı şəhərlər siyahısında Gəncə şəhəri də var. Buna görə də Gəncə şəhəri narıncı zonaya daxil edilib. Bu o deməkdir ki, Gəncədə gündəlik aktiv yoluxma hallarının sayı yuxarıdır".

"Gəncəyə də başqa yerlərdən, xarici ölkələrdən giriş-çıxış kifayət qədər çoxdur. Gəncəyə ilk yoluxma idxalla gəlib və daha sonra daxildə yoluxma başlayıb".

"Ora İşçi qrupu ezam olundu və araşdırdı. Təəssüflər olsun ki, orda karantin rejiminə düzgün əməl olunmadığına görə yoluxma artmışdı".

Digər tərəfdən, tibb işçiləri arasında da koronavirusa yoluxma halı müşahidə olunur. Gəncədə belə hal müşahidə olunmuşdu”.

Z.Əliyev vurğulayıb ki, yoluxanlar əsasən 50-59 yaş arası olanlardır. Qadınlar daha çox yoluxurlar.


ETİKET :  

Daha Çox