GancaPost saytı xəbər verir ki, bunlar Azad Demokratlar və Yeni Zaman partiyalarıdır.

Ədliyyə Nazirliyindən yayılan məlumatda bildirilib ki, Azad Demokratlar Partiyasının və Yeni Zaman Partiyasının qeydiyyat ilə bağlı müraciətlərinə əsasən təqdim olunmuş təsis sənədlərinin qanunvericiliyə uyğunluğu məsələsi nazirlikdə öyrənilib və onların dövlət qeydiyyatına alınması barədə qərar qəbul edilib.

Bununla bağlı, aprel ayının 16-da Ədliyyə Nazirliyinin rəhbərliyi ilə qeydiyyata alınmış partiyaların sədrləri Sülhəddin Əkbər (Azad Demokratlar) və Musa Ağayev (Yeni Zaman) arasında görüş keçirilib, onlara dövlət qeydiyyatı haqqında şəhadətnamələr təqdim edilib.

Xatırladaq ki, bununla da Azərbaycanda qeydə alınan partiyaların sayı 57-i olub.