GancaPost saytı AzadlıqRadiosu-na istinadən xəbər verir ki, bu indeks müxtəlif ölkələrin pasportlarını öncə viza əldə etmədən mümkün səyahət məkanlarının sayına görə sıralayır. Reytinq Beynəlxalq Hava Nəqliyyatı Assosiasiyasından (IATA) əldə olunan informasiya əsasında tərtib olunur.

Bu dəfəki indeks 199 pasport və 227 səyahət məkanı üzrə dəyərləndirilib. Buraya mikro ölkələr və ərazilər daxildir.

Azərbaycan pasportu reytinqdə 78-ci yerdədir, onunla 66 ölkəyə öncə viza almadan getmək mümkündür.

Qonşularımızdan Rusiya 51 (116 ölkə), Gürcüstan 52 (113), Ermənistan 84 (60), İran 101-ci (39) yerdədir.

Müqayisə üçün 6-cı yerdə olan Amerika Birləşmiş Ştatların pasportu ilə 116 məkana vizasız səyahət etmək olar.