Azərbaycan Respublikasının işğal altındakı Dağlıq Qarabağ ərazisində olan separatçı rejimin rəhbəri Arayik Arutyunyan növbəti dəfə dövlətimizə qarşı həyasız və hədələyici bəyanatla çıxış edib.

ArmeniaTodayNews saytının yaydığı məlumata görə, qondarma rəhbər erməni gənclərlə ənənəvi ocaq başındakı görüşündə Xankəndinin Azərbaycan tərəfindən atəşə tutulması halında qanunsuz erməni "müdafiə ordusu"nun mümkün cavab tədbirləri barədə çərənləyib.

A.Arutyunyan qeyd edir, "Kirovabad (Gəncə) bizim hədəfimizdədir. Əgər Stepanakertə bir mərmi və ya bomba atmağa cəhd etsəniz, cavabını Kirovabadda alacaqsınız".