Haqqında yazacağım mövzu yəqin ki, bir çoxlarınız üçün yeni olmayacaq. Gəncənin ictimai nəqliyyatında olan mövcud problemlərlə bağlıdır.

İllərdir Gəncəyə yeni müasir avtobusların gətiriləcəyi barədə söz söhbətlər səngimir...Bu barədə internet saytlarında kifayət qədər xəbər də verilib. Amma verilən sözlər bu günə qədər özünü doğrultmayıb. Gəncə və gəncəlilər hələ də yeni, müasir, standartlara cavab verəcək avtobus həsrətindədirlər. Düzdür bəzi marşurut xətləri yeni avtobuslarla əvəz olunsada, amma bəzi qəsəbələrdə əhali hələ də köhnə avtobus və qazel marşurutlarından istifadə edir.

Gəncədə istismar müddəti çoxdan bitmiş bir neçə avtobus hələ də şəhər küçələrində şütüyür. Bu avtobusların "istifadə müddəti" çoxdan bitsədə istismardan çıxarılmayıb. Bəzi avtobusların salonu natəmiz vəziyyətdədir. Bundan başqa kiçik tutumlu qazellərdə mövcuddur. Ümumiyyətlə, marşurutların azlığı, üstəgəl gecikmələrlə işləməsi, sürücülərin əksər hallarda xətlər arası intervalı pozması sərnişinlərin haqlı narazılıqları ilə qarşılanır...Yəni, aidiyyatı qurumlar bu məsələyə bir mənalı olaraq qeyri-ciddi yanaşırlar.

Qısası bu yazını yazmaqda məqsədim, veriləcək vədin yerinə yetirilməməsinə etirazımdır! Məndə bu ölkənin bir vətəndaşı olaraq normal ictimai nəqliyyatdan istifadə etmək istəyirəm!

Elçin Əsgərov