Gəncə şəhərində kriminal aləmin üzvü olan silahlı şəxs saxlanılıb.

DİN-in Mətbuat Xidmətinin Gəncə Regional Qrupundan verilən məlumata görə, Gəncə şəhər sakini, əvvəllər məhkum olunmuş, 38 yaşlı Bəhram Səmədov Gəncə Şəhər Baş Polis İdarəsinin Cinayət Axtarışı İdarəsinin əməkdaşları tərəfindən saxlanılıb. Onun üzərinə şəxsi axtarış keçirilən zaman 1 ədəd "Makarov" tipli tapança, həmin silaha məxsus 5 ədəd güllə sandıqcası ilə birlikdə aşkar olunaraq götürülüb.

Qeyd edək ki, Bəhram Səmədov kriminal aləmdə "Ramoş" ləqəbi ilə tanınır.

Gəncədə "Ramoş" ləqəbli şəxslə əlaqəsi olan daha bir kriminal avtoritet də saxlanılıb.

Əməliyyat-axtarış tədbirləri nəticəsində şəhər sakini "Saşa" ləqəbli Sabir Şabanov da saxlanılıb. Üzərinə keçirələn baxış zamanı soyuq silah hesab olunan bıçaq aşkarlanaraq götürülüb.

Hər iki faktla bağlı Cinayət Məcəlləsinin müvafiq maddəsi ilə cinayət işi başlanılıb, araşdırmalar davam etdirilir.