Ali Məhkəmədə hakim Ələsgər Novruzovun sədrliyi ilə "Gəncə İşi" üzrə azadlıqdan məhrum edilən 4 nəfərin cəzası azaldılıb.

GancaPost.info xəbər verir ki, bu barədə İnsan Haqları Müdafiəçisi Rəsul Cəfərov bildirib.

Ali Məhkəmənin qərarına Bəkrəm Əliyevin cəzası 10 ay (15 ildən 14 il 2 aya), Həbib Qurbanovun cəzası 3 il (8 ildən 5 ilə), Mirzə Hüseynovun və Asif Cavadovun cəzası hər biri üçün 6 ay (5 ildən 4 il 6 aya) endirilib.

Xatırladaq ki, 2018-ci il iyul ayının 3-də Gəncə Şəhər İcra Hakimiyyətinin başçısı Elmar Vəliyevə və polis əməkdaşı Qasım Aşbazova qarşı əvvəlcədən planlaşdırılmış silahlı hücum, iyulun 10-da isə Gəncə şəhərində bir qrup şəxsin kütləvi iğtişaş törətməklə xidməti vəzifələrini yerinə yetirən iki polis əməkdaşının qətlə yetirilməsi və sair faktlar üzrə cinayət işi başlanılaraq istintaq aparılıb. Bu hadisələrə görə 80 nəfərə qədər şəxs cinayət məsuliyyətinə cəlb olunub.