“Azərbaycanda rus dilinə yüksək münasibət var”
Bakıda səfərdə olan Rusiya Federasiyası Dövlət Dumasının MDB, Avrasiya İnteqrasiyası işləri və Həmvətənlərlə əlaqələr komitəsinin sədri, deputat Leonid Kalaşnikov Azərbaycan və Rusiya arasındakı dostluq bağından və Azərbaycanda rus dilinə olan münasibətdən danışıb.
Onun sözlərinə görə, Azərbaycan öz münasibətini yalnız sözdə deyil, hərəkətlərdə də göstərir. Rusiyalı siyasətçi Azərbaycanda 350-dən artıq rusdilli məktəbin olmasını yüksək qiymətləndirib və ali təhsil müəssisələrində rus bölmələrinin fəaliyyət göstərdiyini məmnunluqla vurğulayıb.
Öz növbəsində Kalaşnikov Azərbaycanda dövlət səviyyəsində rus dilinə olan qayğının nümunəvi xarakter daşıdığını qeyd edib.
Onun sözlərinə görə, keçmiş Sovet İttifaqı məkanında rus dilinə Azərbaycandakından daha isti və daha effektli münasibət çətin ki tapılar.
L.Kalaşnikov Rusiyada Azərbaycan nümunəsi haqqında tez-tez danışdığını vurğulayıb.
OXŞAR XƏBƏRLƏR
XƏBƏR LENTİ
ƏN ÇOX OXUNANLAR
- Bu gün
- Bu həftə
- Bu ay
